Poslije pet sezona u drugom mandatu u Atini, Nik Kalates napustio je Panatinaikos.

Odavno je bilo jasno da će grčki plej napustiti “zelene”, a danas je ova informacija ozvaničena. Njegova naredna destinacija po svemu sudeći biće Barselona.

Kalates je godinama bio jedan od najboljih igrača Panatinaikosa, kako u Evroligi, tako i u domaćem šampionatu.

Kalates je rođen na Floridi, gdje je završio koledž i 2009. izašao na draft gdje ga je izabrala Minesota. Ipak, dres “vukova” nije obukao već je otišao u Panatinaikos. U Atini je bio tri godine, a zatim otišao u Lokomotivu iz Kubanja.

Iz Kubanja je 2013. otišao u Memfis, gdje ostaje do 2015. Tada je ponovo došao u Panatinaikos i izrastao u vhunskog košarkaša.

Spekuliše se da će Kalatesa u Atini naslijediti Nejt Volters.

Leave a Reply