Novi prvak Engleske, Liverpul savladao je Brajton u 34. kolu Premijer lige.

Bilo je 3:1 za “redse”, a blistao je Mohamed Salah, koji je postigao dva gola i asistirao Hendersonu kod trećeg. Počasni gol za Brajton postigao je Trosar.

A fudbaleri Mančester sitija lako su izašli na kraj sa Njukaslom.

“Građani” su slavili 5:0, a pitanje pobjednika riješili u prvom poluvrmenu – prvo je Žezus u 10. minutu pogodio mrežu rivala, da bi prednost povećao Marez u 21.

Tim rezultatom otišlo se na odmor, da bi u drugom dijelu prvo Fernandez u 58. postigao autogol, a sedam minuta kasnije mrežu je zatresao i David Silva. Konačan rezultat postavio je Sterling u 90, te se Mančester iskupio za poraz od Sautemptona u nedjelju.

Sa dobrim rezultatima nastavio je Barnli. Ekipa Šona Daeša slavila je na gostovanju Vest Hemu 0:1 i došla na dva boda od mjesta koje vodi u kvalifikacije za Ligu Evrope. Jedini gol za Barnli postigao je Rodrigez u 38. minutu.

Šefild junajted je bio bolji od Vulverhemptona 1:0. Odlučujući gol djelo je Igana u 93. minutu.

Leave a Reply