Menadžer Totenhema Žoze Murinjo nezadovoljan je odlukom sudije Majkla Olivera da ne dosudi jedanaesterac u korist njegovog kluba, u duelu sa Bornmutom (0:0).

Sporna situacija dogodila se u petom minutu, kad je Džoš King oborio sa leđa Harija Kejna.

Sudija Pol Tirni je čekao odluku VAR, ali mu je kolega Majkl Oliver iz VAR sobe signalizirao da jedanaesterca nije bilo.

“Isti sudija (Oliver) nas je oštetio i protiv Šefilda! Cijeli svijet je vidio ovo, svi znaju da je bio penal. Svi! To nije samo moje mišljenje, to misle svi ljudi na svijetu, svi, svi svi!”, ljut je bio Murinjo. 

Spursi na kraju nisu uspjeli da savladaju “trešnjice” i meč 34. kola Premijer lige završen je bez golova.

“Ta situacija bila je najvažnija na utakmici. Ne kažem da bi Kejn 100 odsto dao gol, ali on šutira penale u jako visokom procentu. Mogli smo da vodimo već poslije pet minuta i stavimo Bornmut pod ogroman pritisak. Utakmica bi bila potpuno drugačija. Ali, kao i u Šefildu, ni sad igrač meča nije bio neki igrač”, zaključio je Portugalac.

Leave a Reply