Lion je napravio malo čudo u Ligi šampiona.

Prvo je eliminisao Juventus u osmini finala, a sinoć i Mančester siti za plasman u polufinale i okršaj sa Bajernom.

“Ponosan sam na svoje igrače, jer su vjerovali. Znali smo da nismo favoriti i da igramo protiv vrhunske ekipe. Više od svega ostalog, uspjeh dugujemo timskom duhu. Svi su radili jedni za druge i izmjene su dosta pomogle“, istakao je trener “lavova” Rudi Garsija.

Dva gola je postigao upravo rezervista Musa Dembele.

“Musa je bio razočaran jer nije startovao, ali sam mu prije početka meča rekao da će biti veoma, veoma bitan kada bude ušao u igru. Dobili smo taktičku bitku jer smo usavršili svoj sistem igre. Imamo još mečeva da igramo i prepreka da preskočimo. Nadam se da ćemo uspjeti da ih savladamo”, dodao je Garsija.

Leave a Reply