Majami je u velikom finalu NBA lige prvi put još od 2014. godine.

Najzaslužniji čovjek za to svakako je Bem Adebajo koji je odigrao perfektan šesti duel protiv Bostona 125:113 za 4-2 u seriji.

Adebajo je za 39 minuta na parketu postigao 32 poena uz 14 skokova i 5 aaistencija.

Iznevjerio sam saigrače u petoj utakmici. Morao sam da se pregrupišem i postanem ono što želim i to sam pokazao sada. Kažete da me prije niste vidjeli da postižem koševe u četvrtom periodu? Evo vam. To je još samo jedna stvar. Treneri žele od mene da budem bolji, žele da radim sjajne stvari. Ovo je prvi put da sam završavao napad za napadom, jedan za drugim. Uspjeti u tome i pobjediti za osvajanje konferencije je velika stvar za mene. Na kraju, čekaju nas još četiri pobjede. Posao nije završen”, rekao je Adebajo.

“Hiti” u finalu igraju protiv Los Anđeles Lejkersa.

Ključna stvar, a tako je već dugo vremena ako želiš titulu, je tim predvođen Lebronom Džejmsom. To je normalna stvar i na to se koncentrišemo. Iskreno, ne možemo da se fokusiramo samo na njega jer oni imaju mnogo dobrih igrača koji ga okružuju”, rekao je Ol-star “Vreline” Džimi Batler.

Erik Spoelstra osvrnuo se na finalnu seriju ali i učinak Batlera…

Toliko o tome da je suština ove lige u svrstavanju u određenu grupu. Koga briga u šta vjeruješ. Koga briga kakva je tvoja kultura. Ako možete da dovedete grupu ljudi koji su u skladu sa tvojom vizijom kakva god da je, i ako imaš lidere koji su oličenje tih osobina, kakve god one bile, a Džimi Batler oličava te kvalitete baš kao što su to u prošlosti radili velikani Hita kao što su Alonzo Morning, Dvejn Vejd, Kris Boš i Judonis Hazlem”, rekao je trener Hita Erik Spoelstra.

Finalna serija NBA lige počinje u srijedu ujutru u 3 časa po našem vremenu.

Leave a Reply