Crnogorski fudbalski reprezentativac Sead Hakšabanović je zaslužan što njegov Norčeping u švedskom šampionatu nije izgubio na gostovanju Falkenbergu.

Hakšabanović, kojeg je Norčeping nedavno otkupio od Vest Hema, pogodio je iz penala u 95. minutu i postavio konačan rezultat – 3:3.

Domaćin je prethodno vodio 2:0, gosti poravnali, prije nego je Falkenberg u 89. stigao do 3:2.

Tada se činilo i prelomio meč, ali mu je računicu pokvario 21-godišnji vezista.

Hakšabanoviću je ovo četvrti gol, a ima i pet asistencija u ligi, u kojoj je Norčeping lider nakon 11 kola.

Leave a Reply