Bivši golman Juventusa Đanluiđi Bufon (43), koji je 21 sezonu proveo u torinskom klubu, izjavio je da je Juve dolaskom Ronalda 2018. izgubio timski DNK.
“Juventus je mogao da osvoji Ligu šampiona prve sezone kad je došao Ronaldo, ali nije, a ja nisam mogao da zaključim što se dogodilo. To je bila sezona koju sam proveo u PSŽ-u”, izjavio je Bufon za američku TV mrežu TUDN.
Bufon se nakon jedne sezone u PSŽ-u vratio u Juventus:
“Kad sam se vratio u Juve dvije godine sam radio s Ronaldom i dobro smo se slagali. Ali, mislim da je klub izgubio timski DNK. Godine 2017. igrali smo u finalu Lige šampiona i bili smo ekipa puna iskustva, ali što je važnije djelovali smo kao grupa. Bilo je takmiičarskog duha unutar grupe, a dolaskom Ronalda to smo izgubili”.
Bufon je sa Juventusom osvojio deset naslova prvaka Italije, ali nikad nije uspio u Ligu šampiona.
Ovog ljeta vratio se u drugoligaša Parmu gdje počeo golmansku karijeru.
Foto: Martin Meissner
