Utakmicama 20. kola u četvrtak počinje drugi dio sezone u Telekom Prvoj crnogorskoj fudbalskoj ligi.
Lider šampionata, Sutjeska gostuje Zeti.
Tim Milije Savovića ima osam bodova više od Dečića, devet od Budućnosti i pobjedom žele da otvore proljećni dio sezone.
“Zadovoljni smo urađenim tokom priprema, u nastavak sezone ulazimo spremni. Nadamo se da ćemo protiv Zete biti ažurni i ozbiljni, da ćemo se pokazati u najboljem svjetlu. Očekujem povoljan rezultat, a to je pobjeda. I u ovoj utakmici kao i u svakoj ćemo ići na pobjedu. Moramo ozbiljno shvatiti svakog protivnika. Zeta nije lak rival – na vrijeme su počeli pripreme, za razliku od prethodnog ljeta kada su kasnili. Očekuje nas teška utakmica, na teškom terenu, ali kako njima tako i nama”, kazao je kapiten Vladan Giljen.
Meč na “Trešnjici” počinje u 15 sati.
Foto: Privatna arhiva
