U Beogradu je u 60. godini preminuo legendarni Nebojša Uške Vučićević, tu vijest potvrdio je FK Partizan.
„Sa velikom tugom vas obavještavamo da je večeras iznenada preminuo Nebojša Vučićević Uške. Uške je kao igrač nastupao za FK Partizan u periodu od 1984. do 1989, a nedavno se vratio u svoj Partizan kao član Komisije za veterane i skaut kluba. FK Partizan ovim putem upućuje iskreno saučešće porodici”.
Vučićević je tokom karijere ostavio je dubok trag u Humskoj u kojoj je nastupao od 1984. do 1989. godine.
Bio je član i OFK Beograda, Meca, Salamanke, nastupao i u Južnoj Koreji, Kipru, Bosni i Hercegovini i Sloveniji, čak i u SAD gdje je na kraju karijere igrao futsal.
Vučićević je poslije igračke karijere zaplovio i u trenerske vode.
Počeo je u Dorćolu, trenirao mnogobrojne klubove u Srbiji i regionu, a posljednji angažman imao je u Dinamu iz Vranja.
Navijačima crno-bijelih ostaće zauvijek u srcu pošto je bio član generacije koja je 1986. i 1987. godine bila prvak Jugoslavije.
