Italijanka Sofija Gođa pobjednica je sedmog spusta sezone Svjetskog kupa, koji je vožen u Kran Montani.
Do petog trijumfa ove sezone, ukupno 22. u Svjetskom kupu, došla je u vremenu minut, 26 sekundi i 81 stotinku.
Gođa je svih pet trijumfa ostvarila u spustu, a osim u Kran Montani, slavila je dva puta u kanadskom Lejk Luizu i po jednom u švajcarskom Sent Moricu i Kortini Dampeco.
Italijanka je 15 stotinki bila brža od drugoplasirane sunarodnice Federike Brinjone.
Pobjedničko postolje kompletirala je Francuskinja Lora Guš sa zaostatkom od 41 stotinke.
To je njen najbolji plasman u Svjetskom kupu.
Na četvrtom mjestu završila je Norvežanka Ranghild Movinkel, peta je bila Švajcarkinja Joana Helen, a šesta njena sunarodnica Priška Nufer.
Slovenka Ilka Štuhec bila je deveta, dok je Svjetska šampionka iz Kurševela, Švajcarska skijašica Žasmin Fluri, imala 17. vrijeme.
Gođa je vodeća u plasmanu spusta sa 580 bodova.
Štuhec je druga sa 401, dok treće mjesto zauzima Italijanka Elena Kurtoni sa po 288 bodova.
U generalnom plasmanu Svjetskog kupa čelnu poziciju zauzima Amerikanka Mikaela Šifrin sa 1697 bodova.
Slovakinja Petra Vlhova je druga sa 975, dok je Lara Gut-Behrami treća sa 925 bodova.
