Direktor Asocijacije evroligaških igrača (ELPA) Boštjan Nahbar kaže za Sport klub da ta organizacija nije primila nikakvu zvaničnu prijavu protiv trenera Duška Ivanovića.
Max Bet sport prenio je vijest da su prije oko mjesec dana dva domaća košarkaša kluba sa Malog Kalemegdana prijavila trenera Duška Ivanovića Udruženju igrača Evrolige (ELPA). Kako se navodi, smetali su im intenzitet rada i dužina treninga koje je sprovodio Ivanović.
“Nismo primili nikakve zvanične prijave oko trenera/treninga. Često pričamo sa igračima, ali nismo dobili nikakve oficijalne prijave”, kaže Nahbar za Sport klub i dodaje…
“Treba znati da za sve klubove Evrolige postoje ista pravila treninga, koja smo postavili zbog jako duge i naporne sezone (u većini zemalja igra se preko 75 utakmica). Nas brine zdravlje igrača i hoćemo da omogućimo igračima što dužu i uspješniju karijeru. Ista prava su za Barselonu, Fenerbahče, Crvenu zvezdu i za sve ostale ekipe”.
