Crna Gora je savladala Egipat (89:74) i stigla u 2. fazu.
Nakon meča selektor Boško Radović je bio zadovoljan, ali je istakao i neke greške u igri.
“Čestitam igračima i stručnom štabu na drugoj pobjedi, ovo je najbolji rezultat u istoriji naše reprezentacije. Momci su igrali dobro, ali možemo bolje. U prvoj i trećoj četvrtini smo bili agresivni u odbrani i precizni u napadu. Drugu i četvrtu četvrtinu smo prespavali. Na 19 razlike smo pravili čudne stvari, neke egzibicije, koje nama ne priliče. Najbitnija je pobjeda – svjesni smo da ovo može i da mora mnogo bolje u sljedećim utakmicama. Nadam se da smo obradovali naciju”, rekao je Radović nakon utakmice.
