Budućnost je pobjedom počela Admiralbet ABA ligi, savladala Zadar (103:73).
“Pribojavali smo se ove utakmice. Sa Polom i Makunduom smo napravili samo dva treninga. U takvim okolnostima je teško odigrati prvu utakmicu, koja uvijek nosi psihološko breme za favorita. Otvorili smo utakmicu sa dobrom energijom, dobrim rješenjima u fazi napada. Odbrana je bila kvalitetna u većem dijelu meča. Znali smo da će na naše niže petorke pokušati sa Božićem i Ramljakom da spuste loptu unutra. Mi smo propustili par situacija, u nedostatku fokusa da to zatvorimo. Bilo je situacija koje smo zatvorili dobro, zatvorili njihovu tranzicionu odbranu, osim u pojedinim segmentima treće četvrtine. Za nas važna pobjeda, otvoriti prvenstvo sa 30 razlike protiv ekipe kao što je Zadar znači na planu motivacije, psihološkom planu, samopouzdanju”, rekao je trener Budućnosti Petar Mijović nakon utakmice.
Budućnost u narednom kolu gostuje Mornaru u Baru.
