Košarkaši Budućnost Volija u 14. kolu AdmiralBet ABA lige gostju Zadru, subota od 16 sati.
“Plavi” će na megdan ekipi koja je u prethodnom kolu pobijedila zvaničnog prvaka lige Partizan.
“Idemo na pobjedu, samo je ona lijek za dalje”, kazao je centar Kenan Kamenjaš.
Budućnost na startu sezone savladala Zadar (103:73) u “Morači”.
“Nemamo puno vremena, već sad nas očekuje Zadar, ekipa koja igra specifičnu košarku i nakon pobjede nad Partizanom sigurno da će biti dodatno motivisana, a pogotovo jer nema utakmica u šampionatu Hrvatske. Moramo što prije da se spremimo za meč i kao što sam rekao – idemo na pobjedu”, rekai je Kamenjaš.
Naredni protivnik nije nepoznanica, smatra trener Andrej Žakelj.
“Zadar dobro znamo, radi se o ekipi koja je dvije godine zajedno, igra atipičnu, ali veoma brzu i kvalitetnu košarku – sa visokim igračima i sa mnogo protoka lopte, ‘lou post’ igre posebno bekova… Ali, nema puno priče, moramo da igramo agresivno, hrabro, da ih ograničnimo u njihovoj igri i da iskoristimo naše prednosti… Uradićemo sve da dobijemo utakmicu”, kazao je Žakelj.
Nakon 13. kola u regionalnoj ligi Budućnost je na učinku osam pobjeda i pet poraza.
Zadra ima skor sedam pobjeda i šest poraza.