Budućnost Voli je u polufinalu plej ofa ABA lige.
Podgoričani su u dva meča nadigrali Zadar – večeras slavili u gostima (80:73) za 2:0 u seriji.
“Očekivali smo tešku drugu utakmicu, tako je i bilo – ovdje je uvijek teško da se igra. Zadar je košarkaški grad i navijači su opet bili na nivou”, rekao je trener Andrej Žakelj, i dodao…
“Opet smo počeli mekanije nego što smo se dogovorili, nismo imali zavidan šuterski dan, imali smo problema u skoku što je normalno protiv Zadra, ali na kraju smo odbranom i lakim poenima uspjeli da prelomimo meč i mislim da smo zasluženo slavili u seriji”, rekao je Žakelj.
Budućnost će u polufinalu igrati protiv Partizana ili Igokee – “crno bijeli” vode sa 1:0.
“Ima tu još da se igra, a nikada ne želim da pričam unaprijed – danas je bio fokus na Zadar i mislim da su momci odradili utakmicu kako treba. Sada ostaje da smirimo glave i da vidimo ko će nam biti protivnik. Polufinale je polufinale i uvijek se igra da bi se išlo u finale”, zaključio je Žakelj.