Futsal reprezentacija Crne Gore remizirala je sa Letonijom rezultatom 1:1 u posljednjem meču turnira u Poreču.
Ovim remijem, drugim na turniru uz dvije pobjede, naša selekcija osvojila je drugo mjesto.
Današnji meč otvoren je pogotkom Nemanje Nikolića u drugom minutu, da bi devet minuta kasnije Krists Kruminiš postavio konačan rezultat.
– Tvrda utakmica, bez puno ljepote u igri. Nijesmo bili na nivou kao iz prva tri meča, ali se opet ponovilo ono što mene posebno raduje, a su velika borbenost i želja za pobjedom. Generalno gledano, jako sam zadovoljan kako smo odigrali čitav turnir u Poreču, rekao je selektor Sveto Ljesar.
