Košarkaši Budućnosti savladali su uporni Zadar (84:77) u 19. kolu AdmiralBet ABA lige.
“Sigurno naša najlošija utakmica u posljednjih mjesec ili više – nema sumnje da će ih biti još, jer igrači nisu roboti”, istakao je Andrej Žakelj, trener Budućnosti na pres konferenciji.
Dodao je:
“Čestitke igračima na pobjedi, ali i Zadru jer je odigrao vrhunsku utakmicu sa mnogo čvrstine, fizički jaku. Da, bilo ih je – vidio se malo umor, malo smo bili i ispražnjeni od svih ovih utakmica. To se u prvom dijelu vidjelo i po broju izgubljenih lopti – mislim da ih nijednom nismo imali toliko za 20 minuta, ali na kraju je najbitnija pobjeda”, rekao je Žakelj.
Budućnost u srijedu igra meč odluke u Evrokupu, protiv Vulvsa.
“Bitno je da se odmorimo, glave su bile u Litvaniji, ali sve moramo da zaboravimo i krenemio da se spremamo za Vulvs” zaključio je Žakelj.
