Košarkaši Budućnosti poraženi su na terenu Dubaija (79:75) u posljednjem 30. kolu regularnog dijela AdmiralBet ABA lige.
U finišu prvog poluvremena protiv Dubaija košarkaš Budućnosti, Mekinli Rajt je zbog povrede zgloba izašao iz igre, pa se više nije vraćao na teren.
“Utakmica je bila bez rezultatskog imperativa, ali veoma dobra, takmičarska. Dubai je zaslužio pobjedu i na tome im čestitam. Imali smo uspona i padova, sa dobrim i lošim momentima. Igrali smo skoro 30 minuta bez Mekinlija Rajta, nadam se da povreda nije ozbiljna”, rekao je nakon meča Žakelj.
Dodao je:
“Nismo bez razloga na prvom mjestu, igrači su naporno radili i zaslužili su prvo mjesto u regularnom dijelu sezone. Međutim, taj dio je gotov, moramo da se fokusiramo za ono što slijedi i da se pripremimo za četvrtfinale”, poručio je Žakelj.
“Plavi” će u četvrtfinalu plej ofa ABA lige igrati sa Megom.
