Fudbalska reprezentacija Crne Gore izgubila je večeras u Plzenju od Češke 2:0 u trećem kolu kvalifikacija za Mundijal 2026.
“Čestitke Česima, na kraju kada se sve pogleda zasluženo su dobili. Prvo poluvrijeme mislim da smo odigrali dobro, kontrolisali smo stvari do gola, a onda smo naivno primili gol – izgubili smo loptu gdje ne smije da se gubi. Nakon toga smo bili u problemu”, rekao je selektor Robert Prosinečki na pres konferenciji.
Milanu Vukotiću u prvom dijelu igre je poništen gol.
Prvi poraz u kvalifikacijama: “Sokoli” nastavili negativan niz protiv Češke
“Pokušavali smo, iz dobre akcije nam je poništen gol, pokušavai smo i po lijevoj strani i tu smo mogli da budemo bolji u završnicama. Česi su dominirali u drugom poluvremenu, sa tri zamjene smo pukušali da dobijemoo na svježini, Edvin Kuč i Milan Vukotić su polako padali, a planirali smo da sa Milutinom Osmajićem dobijemo na brzini i prodornosti… Uglavnom, čestitam još jednom Česima, nažalost opet su nas dobili”, rekao je selektor.
Crna Gora je upisala prvi poraz na trećem meču, a šesti u međusobnom okršaju sa Češkom.
“Ovo je tek prvo poluvrijeme, u septembru igramo kod nas sa Česima i imaćemo šansu da ispravimo ovaj rezultat. Ništa nije gotovo, ima još dosta utakmica da se odigra – Česi dolaze u Crnu Goru i puno toga će se odlučivati, a vidjećemo i kakvi će rezultati biti sa Hrvatskom. Nije dobro za nas, ali kvalifikacije još nisu gotove”, kazao je Prosinečki.
Na pitanje novinara d ali osjeća odgovornost, Robi je kazao…
“Sigurno je velika odgovornost na meni i prhvatam je. Bila je ovo jedna od najvažnijih utakmica, ali nismo dali ono što možemo. Nedostaje nam nešto. Da li su to mladi igrači, da li će biti u timu, da li ću ja biti u reprezentaciji – vidjećemo, ali naravno, moraće doći do promjena, tražićemo ono najbolje kako bismo u septembru odigrali pravu utakmicu. Žao mi je navijača i svih nas, jer nismo dali maksimum”, rekao je Prosinečki.
Savić: Teška utakmica, jak tempo; Krstović: 1. poluvrijeme odlično, u drugom smo bili bez ideje
