Sezonu u ABA ligi košarkaši SC Derbija počeli su porazom.
“Studenti” su na startu izgubili u Podgorici od Borca iz Čačka (79:76).
“Loša partija sa naše strane, dijelom sam očekivao da nećemo biti dobri pored kadrovskih problema koje smo imali posljednjih 10,12 dana. A bilo ih je previše za ekipu koja je trebala da nastupi u važnoj utakmici, a bila je važna jer je bila iz redova onih koje moramo dobiti na našem terenu. To se i odrazilo na igru. Nije bilo protoka lopte, dosta teško smo dolazili u situacije da poentiramo, a u odbranimo smo bili loši prije svega u nekim bazičnim stvarima, primili smo puno poena u igri jedan na jedan i u građenju koša”, rekao je Mijović.
Dodao je:
“Puno problema sa sastavom, neki igrači su igrali iako tri, četiri nedjelje nisu imali nikakav kontakt na treningu, tu prije svega mislim na Darijusa Džonsona, koji nije oporavljen, nije oporavljen ni Džastin Tarner, koji nije igrao i neće još četiri, pet nedjelje. Amar Gegić je odradio jedan timski trening samo. Malo je vremena bilo da vratimo igrače u trening i uvedemo novog, ali nas to ne amnestira od toga da smo morali biti bolji u ovom meču prije svega u igri jedan na jedan i zagrađivanju koša. Čestitam Borcu na pobjedi”.
SC Derbi u narednom kolu gostuje FMP-u.
SC Derbi porazom otvorio ABA sezonu – Borac slavio u “Morači”
