Velika pobjeda OTP Group Budućnost u rumunskoj Bistrici, prva u sezoni i zlata vrijedna 2 boda u borbi za plasman u nokaut fazu!
Na jednom od najtežih gostovanja u Evropi, Itana Grbić i saigračice su srušile Gloriju (38:34) u utakmici 9. kola, napravile brejk protiv jednog od favorita za plasman na finalni turnir i došle do pobjede koja ih potpuno vraća u igru za plasman u osminu finala EHF Lige šampiona.
Pobjeda koja otvara vrata nokaut faze: Budućnost srušila Gloriju
“Prvo bih se zahvalio svakoj djevojci pojedinačno na ovoj pobjedi koja svima u klubu puno znači.
Najmlađi smo tim u Ligi šampiona, sad je taj prosjek godina još manji sa dvije nove mlade igračice u sastavu. Iz tog razloga ova pobjeda dobija na značaju. Biće zbog mladog tima u narednom periodu i uspona i padova. Zbog toga sada moramo da ostanemo skromni, da radimo i treniramo još više, jer nas tek čekaju iskušenja, ali se nadam da će nam ova pobjeda biti zamajac za nastavak takmičenja, jer idemo u pravom smjeru. Ali ponavljam moramo ostati skromni i raditi.”
