Sedmi trijumf zaredom Budućnosti, a 11 u AdmiralBet ABA ligi.
“Plavi” su u Ljubljani savladali Cedevita Olimpiju 83:72 u derbiju 15. kola u grupi B.
„Bila je to teška, veoma teška utakmica i jedna od naših lošijih u posljednje vrijeme. U prethodna dva kola nismo igrali onako kako bih ja želio, a mislim da je slično bilo i večeras. Nismo bili na pravom nivou, ali smo na kraju dobili meč skokom i uspjeli da ga privedemo kraju onako kako smo planirali“, kazao je trener “plavih” Andrej Žakelj i nastavio…
„Bila je to izuzetno čvrsta i fizički jaka utakmica. Cedevita Olimpija je igrala veoma agresivno, ekipe su dosta izjednačene, a i jedni i drugi imamo probleme sa povredama, što dodatno otežava rotaciju. U takvim okolnostima, najvažnije je da smo ostvarili pobjedu“.
