“Sokoli” su savladali Letoniju 2:1 upisali treću pobjedu zaredom u C Ligi nacija.
“Mogu da budem zadovoljan sa 80 minuta, ali sa zadnjih 10 ne. Počeli smo da paničimo nakon primljenog gola, što je negdje i normalno, jer je protivnika nosio adrenalin nakon što je zatresao našu mrežu i tražio je svim silama novi pogodak”, rekao je selektor Mirko Vučinić na pres konferenciji.
Dodao je:
“Popravili smo se kada imamo loptu u nogama i veliki dio utakmice smo komandovali igrom. Međutim, kada primimo gol, još jedan naivan, to me ljuti, kao i to kako je utakmica tekla poslije toga. Odigrali smo treću utakmicu u malom broju dana i moram da pohvalim momke – doši smo po tri boda i uzeli smo ih. Srećni smo i nasmijani idemo kući”.
Oba gola za Crnu Goru je postigao Vasilije Adžić.
“Svaka mu čast, odigrao je odličnu utakmicu. Napravio sam grešku jer ga nisam zamijenio nakon drugog gola, jer će mi biti potreban za narednu utakmicu”, kaže selektor.
Jovetić zadovoljan skorom: Pobjeda u narednom meču donosi nam prvo mjesto
