Košarkaši Budućnost Volija dočekuju Široki u meču devetog kola Admiralbet ABA lige.
Budućnost je u prošlom kolu, nakon dva produžetka, poražena od Igokee (104:100).
Široki će, nakon 13 godina, vraća u Podgoricu.
“Široki dolazi rasterećeno i u dobrom ritmu. U prošlom kolu ABA lige savladali su Krku u gostima ubjedljivom razlikom. Igraju dobru, timsku košarku. Imaju iskusne igrače, uz nekoliko stranaca koji prave razliku, tako da je riječ o ekipi koja zna šta želi na terenu. Želim da moji igrači budu maksimalno fokusirani na svoje zadatke. Favoriti smo i moramo to da opravdamo na terenu”, kazao je trener Andrej Žakelj.
Flečer Megi je u formi, odigrao je odličan meč u Evrokupu protiv Šljnska.
“Očekuje nas teška utakmica. Znamo da imaju nekoliko veoma kvalitetnih igrača. Riječ je o iskusnoj ekipi koja igra pametno. Očekujemo zahtjevan meč, ali želimo da izađemo na teren sa mnogo energije i fokusa, pokušamo da nametnemo brz ritam i dođemo do pobjede”, kazao je Megi.

