Čikago Bulsi u narednu NBA sezonu ulaze sa novim trenerom.
To je jasno nakon što je franšiza iz Ilinoisa objavila da je smijenjen Džim Bojlen.
Sa Bojlenom na klupi su Bulsi imali 39 pobjeda i 84 poraza.
“Poslije evaluacije i poslije davanja određenog vremena koje je zasluženo, riješio sam da krenemo u novi svježi pristup i promjena u vođstvu je bila neophodna. Bila je teška odluka, ali vrijeme je za našu franšizu da napravi sljedeći korak i da krene nova era Bulsa. Džim je veliki čovjek i mnogo brine o organizaciji i košarci. Hvala mu na profesionalizmu i posvećenosti”, rekao je generalni menadžer “bikova” Arturas Karnišovas.
