Nikola Rakojević nije više trener OFK Titograda.
Iskusni trener, koji je preuzeo “romantičare” jula prošle godine, uoči početka sezone, otišao je nakon poraza od Sutjeske na Starom aerodromu 4:0.
Titograd, koji je prošle sezone izborio opstanak tek u baražu, i sada je u lošem momentu i u lošoj seriji – na posljednjih 11 mečeva ostvario je samo jednu pobjedu. Šanse da izbjegne novi baraž su samo teoretske, a predstoji mu borba za izbjegavanje posljednjeg mjesta i direktnog ispadanja, jer je Petrovac prišao na samo tri boda, doduše s utakmicom više.
Dobar dio sastava OFK Titograda danas protiv Sutjeske i na prethodnih nekoliko mečeva, računajući i skoro kompletnu klupu – činili su igrači iz omladinskog pogona.
Rakojević je vodio brojne domaće klubove, osvojio je dvije titule sa Sutjeskom i jednu sa OFK Titogradom, kao i Kup sa Sutjeskom.
