Košarkaši sarajevskog Sparsa, našeg Miodraga Kadije, nisu uspjeli da večeras izbore plasman u ABA ligu, jer su na svom parketu, u drugom meču serije, poraženi od Splita sa 84:64.
Splićani su tako vratili Sarajlijama brejk (prije tri dana u Splitu bilo je 76:70 za Spars), pa će se posljednjeg člana regionalne elite za narednu sezonu odlučiti majstorica.
Split će biti domaćin na Gripama 20. maja.
Najbolji igrač Splita bio je Marin Marić sa 16 koševa i 10 skokova. Po 14 poena ubacili su Toni Perković i Roko-Leni Ukić, a 12 koševa postigao je Luka Babić.
Za domaću ekipi su po 16 poena postigli Kamenjaš i Buza.
