Crna Gora je nakon velike borbe dobils Gruziju 10:9 i primakla se drugom mejstu u grupi.
Selektor Vladimir Gojković vjeruje da je bespotrebna nervoza doprinijela tome da duel bude riješen tek u posljednjim sekundama.
“Vidjelo se da smo krajem druge četvrtine ušli u nervozu. Promašili smo mnogo šansi na odbranu za koju smo se spremali. Svi šutevi, osim u posljednjoj četvrtini, bili su u pravom momentu i iz izgrađenih pozicija, ali nismo pogađali. A i njihov golman je dobro branio. To je unijelo nervozu, mislio sam da ćemo u trećoj četvrtini to nivelisati kad smo poveli tri razlike, ali se Gruzija vratila s dva brza pogotka. Moramo biti zadovoljni pobjedom, svjestan sam da će biti oscilacija s ovom ekipom”, rekao je Gojković i dodao:
“Gruzija ima speciifčnu odbranu koja tjera da postaješ nervozan ako promašuješ. Kod 4:1 su promijenili odbranu, igrači su je prepoznali i radili stvari koje je trebalo, ali smo imali veliki broj promašaja sa četiri-pet metara. Vjerujem da nam se ne bi ponovilo, ali nije slučajno i moramo raditi na šutu”, istakao je Gojković.
