Sutjeska je ubjedljivo nadigrala lidera Dečić 3:0 – večeras u derbiju 6. kola Meridianbet Prve crnogorske fudbalske lige.
“Kad igrači ispoštuju sve što tražite od njih, onda rezultat neće izostati. Tako je bilo večeras. Sve pohvale igračima – njima ide ova pobjeda i navijačima koji su došli na utakmicu. U prvom poluvremenu smo igrali jako dobro, u drugom smo opet imali malo problema, ali kad se sve sagleda zasluženo smo pobijedili”, rekao je trener Sutjeske Nenad Brnović.
Sutjeska je nakon 45 minuta vodila 1:0 zahvaljujući Draganu Griviću. U nastavku su golove postigli Vuk Striković i Marko Matanović.
“Timska igra je donijela pobjedu. Realizacija u prvom poluvremenu nije bila dobra, jer smo već tada mogli da vodimo dva ili tri razlike. Drugo poluvrijeme je bilo onako kako treba da bude”, bio je zadovoljan Brnović.