Nakon pobjeda nad Heliosom i Šibenkom, pred Sutjeskom je još jedna utakmica na “balonu” NLB ABA2 lige u Širokom Brijegu – naša ekipa sjutra (21) u “Pecari” igra protiv Borca iz Banjaluke.
Sutjeska se nalazi u odličnoj situaciji, pa je nakon sjajnih izdanja prethodnih dana u “Pecari” blizu plasmana u plej-of, što je i bio jedan od ciljeva, koji su postavljeni pred ekipom uoči starta sezone.
Borac ima pobjedu manje na tabeli, a u ovaj meč ulazi nakon kadrovskih problema, koji su ga zadesili prije dva dana, kada je službenim rezultatom izgubio utakmicu od Heliosa.
Ekipa je motivisana, a želja svih u klubu je da se nastavi niz dobrih igara i rezultata, te da se regularni dio sezone završi u velikom stilu.
“Borac ima kadrovskih problema, a mi idemo na pobjedu. U interesu nam je da budemo što bolje plasirani, ne bavimo se kalkulacijama. Očekujem da damo maksimum i da ovaj ‘balon’ završimo sa sve tri pobjede”, kazao je Andrej Vulević.
Nastup Nikole Kočovića, koji se povrijedio protiv Šibenke je pod znakom pitanja.
