Budućnsot je lako riješila prvi meč četvrrtfinala plej ofa Admiralbet ABA lige – dobila Zadar u “Morači” 100:69 – u petak od 19 sati “plavi” žele da završe posao na parketu dvorane “Krešimir Ćosić.
„Mislim da će druga utakmica biti potpuno drugačija u odnosu na prvu. Svi znamo kako je teško igrati u Zadru, pogotovo kada je hala puna. To je mnogo vruć teren”, kazao je bek Andrija Slavković i dodao:
„Spremamo utakmicu na potpuno drugačiji način. Zadar je specifična ekipa koja igra na manji broj poena i sa pet visokih igrača. Vrlo dobro se znamo, tako da nema mnogo tajni. Pokušaćemo iz utakmice da izađemo kao pobjednici i završimo serije s 2:0. U tom slučaju bismo u polufinale ušli svježiji i imali duže vremena da spremimo te utakmice”, poručio je Slavković.
Budućnost u Zadru juri petu pobjedu u isto toliko međusobnih duela ove sezone.
