Mornar nakon 11. kola ima samo jednu pobjedu.
Barane čeka novi, težak meč – gostuju u nedjelju od 15.30 debitantu u ABA ligi Dubajiu, koji je upisao čak osam pobjeda i trenutno je na četvrti tim tabele.
“Moramo odigrati mnogo pametnije nego što smo odigrali prošlu utakmicu. Kad se odigra protiv tako kvalitetne i iskusne ekipe, moraš da im odgovoriš sa mudrom igrom. Jer ako igraš bez ideje, nemaš šta da tražiš“,kazao je u najavi meča Mihailo Pavićević.
Barani su u prethodnom kolu izgubili kući od FMP-a 76:81.
“Nadam se da smo izvukli neke pouke iz prošlonedjeljnog poraza od FMP-a. Gledali smo tu utakmicu, analizirali naše greške. Sigurno, nismo u situaciji da prijetimo Dubaiju. Idemo sa nadom da damo sve od sebe, a eventualno ako se ukaže prilika da napravimo iznenađenje, bili bi presrećni. Ali, prije svega ja bih želio da vidim napredak u našoj igri i ono što radimo na treninzima, da pokušamo da sprovedemo u djelo na utakmici“, zaključio je Pavićević.
