Važna pobjeda za košarkaše SC Derbija.
“Studenti” su u devetom kolu plej-auta ABA lige savladali Iliriju (75:74), pa su osigurali baraž.
SC Derbi je pobjedom poslao Split u ABA2 ligu.
“Izuzetno vrijedna pobjeda, možda i vrijedna opstanka. Odigrana je dobra utakmica, kakvu smo i očekivali od Ilirije. U najavi meča sam rekao da je taj tim možda i najprijatnije iznenađenje lige. Početak duela protekao je u apsolutnoj kontroli s naše strane, dosta izgrađenih akcija, pogođenih šuteva za tri poena i bilo je dobro sve dok nismo omekšali u fazi odbrane”, rekao je trener Petar Mijović.
Nastavio je:
“Drugo poluvrijeme je bilo psiholoških teško, propuštali smo puno grešaka iz neobjašnjivih situacija, pogotovo iz kontranapada. Ilirija je to iskoristila da nađe poene prevashodno iz naših grešaka. Karakterno smo uspjeli da odgovorimo, u dva navrata bilo je sedam razlike u koristi protivnika. Međutim, istrajali smo kroz čvrstinu i hrabrost”.
Do kraja SC Derbi će odigrati još jednu utakmicu, u ponedjeljak, 27. aprila protiv Zadra u Podgorici.
“Generalno je bilo puno utakmica ove sezone koje nisu bile na našu stranu, ali ipak smo zaslužili da slavimo i ostvarimo važnu pobjedu. Imamo još jedno kolo do kraja. Poslije duže vremena nalazimo se u dobroj poziciji i nadam se da trijumfom protiv Zadra možda možemo i bez baraža da ostanemo u ligi”, zaključuje Mijović.
