Omladinska fudbalska reprezentacija Crne Gore poražena je danas od Bosne i Hercegovine 4:0 u trećem kolu grupe 6 preliminarne runde kvalifikacija za Evropsko prvenstvo.
Nakon ovog poraza ekipa Slobodana Draškovića ostala je bez plasmana u elitnu rundu kvalifikacija.
U bugarskom Dobriču BiH je povela u 17. minutu, a gol je postigao Mateo Šakota.
To je bio jedini pogodak u 1. poluvremenu, a onda se u nastavku mreža naše selekcije tresla još tri puta. Strijelci za BiH u drugom dijelu bili su Aleksandar Kahvić u 47, Filip Čuić u 58. i Admir Bristić u 72. minutu.
Crna Gora je na turniru u Bugarskoj savladala domaću selekciju, a osim od BiH, izgubila je i od Republike Irske.
Foto: FSCG