Naše odbojkašice nisu uspjele da se plasiraju na Evropsko prvenstvo.
“Crvene” izgubile od Finske 3:1 u setovima.
Kapitenka Tanja Bokan je sinoć odigrala posljednji meč u dresu reprezentacije.
Tanja se emotivnom porukom na društvenim mrežama saopštila je da neće više igrati za nacionalni tim.
“Do ovdje je bilo suđeno. Velikih 17 godina biti kapiten nacionalne selekcije je za mene i više od časti. Veliko HVALA svim djevojkama sa kojima sam dijelila teren, svakom stručnom stabu koji je bio na kormilu od kada postojimo, ljudima iz saveza, ma bas svima koji su imali ikakve veze sa OSCG“, napisala je Tanja.
Imala je poruku i za porodicu.
“Mati moja, Tajo moj, vama posebno HVALA što ste me prije svega naučili kako da najiskrenije i najčistije volim svoju zemlju! Nažalost, niste tu kako bi nazdravili mojoj penziji, ali znam da gledate i da ste ponosni. Nista manje HVALA mojoj porodici i prijateljima koji su uvjek bili onaj ‘vjetar u leđa’ kada je trebalo.
HVALA HVALA HVALA vaš vječiti KAPITEN !!!
VOLIM VAS ♥️”, dodala je Tanja Bokan.
